საზოგადოებასთან ურთიერთობის სამსახური

საქართველოს გარემოს დაცვის  სამინისტროს საზოგადოებასთან ურთიერთობის სამსახური წარმოადგენს სამინისტროს სტრუქტურულ ქვედანაყოფს.

სამსახურის საქმიანობის სფეროს განეკუთვნება საზოგადოებასთან და მასმედიასთან ურთიერთობა, საზოგადოებისთვის გარემოსდაცვითი ინფორმაციის ხელმისაწვდომობისა და გამჭვირვალობის უზრუნველყოფა, საზოგადოების გარემოსადაცვითი განათლებისა და ცნობიერების დონის ამაღლების ხელშეწყობა, საზოგადოების მონაწილეობის უზრუნველყოფა გარემოსდაცვითი გადაწყვეტილებების მიღების პროცესში, გარემოს დაცვის სფეროში საზოგადოების მხარდაჭერის გაძლიერება, სამინისტროსა და საზოგადოებას შორის ორმხრივი ურთიერთობის დამყარება, სამინისტროს საქმიანობის შესახებ საზოგადოების ინფორმირება, ოფიციალური შეტყობინებების, განცხადებებისა და საინფორმაციო მასალების გავრცელება, პრესკონფერენციების, ბრიფინგების, ჟურნალისტებთან შეხვედრების ორგანიზება, ხელმძღვანელობისა და თანამშრომლებისთვის პრეს-ბიულეტენების, პრეს-რელიზების, მიმოხილვების მომზადება, სამინისტროს საქმიანობის შესახებ მასმედიის საშუალებებით გასული ინფორმაციის მიწოდება და მდგრადი განვითარების ფარგლებში გაეროს ევროპის ეკონომიკური კომისიის მიერ შემუშავებული გარემოსდაცვითი განათლების სტრატეგიის მიზნებისა და ამოცანების განხორციელება.

მისამართი:   თბილისი,   ორთაჭალა,  გ. გულუას ქუჩა N6
ტელ:  (995  32)   272  72  34
ელ-ფოსტა:  pr@moe.gov.ge