საქართველოს პარლამენტში განიხილება კანონი "საქართველოს ზოგიერთ საკანონმდებლო აქტში ცვლილების შეტანის თაობაზე", რომლითაც ცვლილებები შედის საქართველოს კანონში "გარემოს დაცვის შესახებ". იმის გამო, რომ ამ კანონის შესახებ საზოგადოებაში ვრცელდება ბევრი უზუსტობა, გარემოს დაცვის მინისტრი გოგა ხაჩიძე, დღეს, 21 მარტს, 18:00 საათზე ყველა დაინტერესებულ პირს იწვევს გარემოს დაცვის სამინისტროში აღნიშნულ თემაზე სასაუბროდ და ზუსტი ინფორმაციის მისაწოდებლად.

2012 წლის აპრილიდან საქართველოს გარემოს დაცვის სამინისტრო უმასპინძლებს მშვიდობის კორპუსის 2 ამერიკელ მოხალისეს, რომლებიც იმუშავებენ გარემოსდაცვითი განათლების საკითხებზე. მოხალისეები იცხოვრებენ თბილისში, ერთი _ ექვსი თვის, ხოლო მეორე - 3-4 თვის განმავლობაში. გარემოს დაცვის სამინისტრო ეძებს დაინტერესებულ ოჯახებს, რომლებსაც სურთ, რომ უმასპინძლონ ამერიკელ მოხალისეებს.

გარემოს დაცვის სამინისტრო აცხადებს ტენდერს სამინისტროში მიმდინარე პროექტის "ქვეყნისათვის საჭირო ტექნოლოგიების შეფასება" საბოლოო დოკუმენტის დაბეჭვდის მომსახურებაზე.

"საქართველოს გარემოს დაცვის მოქმედებათა მეორე ეროვნული პროგრამა" (NEAP) 2012 წლის 24 იანვრის საქართველოს მთავრობის #127 განკარგულებით დამტკიცდა.